Wednesday, February 15, 2012

மனிதனை சுருக்கும் வீடு

என் கனவு இல்லங்கற இந்த ப்ளாக்ல இந்த பதிவை போடலாமோ போடக்கூடாதோ தெரியலை. ( நாம பண்றதெல்லாம் இது மாதிரி அகடவிகடம் தானே )

வீடு மனிதனின் உடல் ,உள்ளம்,ஆத்மா அனைத்தையும் சுருக்குகிறது. சுற்றுலாவோ விரிவாக்குகிறது..

சுற்றுலான்னா என்ன குறிப்பிட்ட நோக்கம்னு இல்லாம (முக்கியமா மானிட்டரி கெயின்ஸ்) அக்கடான்னு ..அவுத்து விட்ட மாடாட்டம் நாலு இடம் சுற்றி பார்த்துட்டு வர்ரதுதேன் சுற்றுலா.

இதுல இப்போ மருத்துவ சுற்றுலான்னு ஒன்னை கோர்த்துவிட்டிருக்காய்ங்க.அதாவது மெடிக்கல், செக்கப், ஆப்பரேஷன் இத்யாதியை “சீப்பா” முடிச்சுக்கலாம்னு நாடுவிட்டு நாடு போறது. இதை நான் சுற்றுலா பட்டியல்ல சேர்க்கமாட்டேன்.இதுல மானிட்டரி கெயின் இருக்கே.

அடுத்தது ஆன்மீக சுற்றுலாவாம். கோயில் கோயிலா பார்த்துட்டு வந்துர்ரதை ஆன்மீக சுற்றுலாங்கறாய்ங்க.

இதையும் சுற்றுலாவுல சேர்க்கமுடியாது ஏன்னா இதுல “அவுத்து உட்ட மாடாட்டம்”ங்கற கான்செப்ட் கிடையாதே.

நோக்கம்,மானிட்டரி கெயின், ஏதோ ஒரு இழவுக்கு கட்டுப்பட்ட பயணம்லாம் சுற்றுலா பட்டியல்ல வராது. இந்த மேட்டர் எல்லாம் இல்லாத பயணத்தை வேணம்னா சுற்றுலான்னு சொல்லலாம்.

அவுத்துவிட்ட மாடுன்னு ஒரு வார்த்தைய போட்டிருக்கேன். பின்னே நாமெல்லாம் என்ன செக்குமாடானு கேப்பிக. ஆமாண்ணே. நாமெல்லாம் செக்கு மாடுதேன். ஒவ்வொரு நாளும் இன்னொரு நாளேங்கற நிலைதான் இருக்கு. அதனாலதேன் அவுத்துவிட்ட மாடுனு ஒரு குத்து குத்தியிருக்கேன்.

தெலுங்குல ” திரக்க செட்டாடு மகவாடு ..திரிகி செடிந்தி ஆடதி”ன்னுட்டு ஒரு பழமொழி உண்டு. இதனோட அர்த்தம் ஊர் சுற்றாம ஆம்பள கெட்டான். ஊர் சுத்தி பொம்பள கெட்டா”

நம்முது மேல் ஷேவனிஸ்ட் சொசைட்டிங்க்றதால இப்படி ஓரவஞ்சனையா சொல்லியிருக்காய்ங்க. ஊர் சுத்தாம இருந்தா ரெண்டு பாலும் ( ஆண்,பெண் பாலை சொன்னேங்க) பாலிடால் ஆயிரும்.

ஒரு மன்சன் தான் இருக்கிற இடத்தை விட்டு நகராம வாழ்ந்தா ஓடாத தண்ணில புழு உற்பத்தி ஆயிர்ராப்ல அவன் மனசு நாஸ்தி ஆயிரும்.

அங்கன எதிர்படற அல்லல்,அலைச்சல், வசதி குறைவு எல்லாத்தையும் ஃபேஸ் பண்ணி நாலு ஊரு சுத்தி பார்த்துட்டு சொந்த ஊருக்கு வந்தாதான் நம்ம ஊரு எவ்வளவோ பெட்டருப்பான்னு தோணும். வீட்டோட அருமை தெரியும்.

மன்சனை ரெம்ப இம்சைக்குள்ளாக்குற ஈகோ டைல்யூட் ஆயிரும் தெரியுமோ? சொந்த ஊர்ல டீக்கடை பெஞ்ச்ல உட்கார்ந்து டீ சாப்பிடாதவன் கூட வெளியூர்ல பிளாட்பாரத்துல படுத்து தூங்க தயாராயிருவான்.

வாழ்க்கையில மாறாதது மாற்றம் ஒன்னுதேன்.சுற்றுலாவுக்கு தயாராயிட்டிங்கன்னாலே நீங்க மாற்றத்தை ஏத்துக்கற ஆளுனு அர்த்தம். ஏத்துக்க தயாராயிட்டா எந்த மாற்றமும் பெரிசா பாதிக்காது. மாற்றத்துக்கு தயாராகாத பார்ட்டிக்கு மாற்றம் மரணத்துக்கு சமம்.

சாவுன்னா என்ன ? ஒரு ஊரை விட்டு அடுத்த ஊரு போறாப்லதானே. அப்பப்போ ஊர் ஊரா சுத்திட்டு வந்தம்னு வைங்க சொந்த ஊரு மேல அட்டாச்மெண்ட் குறையும். சாவூருக்கு கிளம்பற நேரம் ஏதோ இன்னொரு சுற்றுலாவுக்கு போற மாதிரியே ஒரு ஃபீலிங் வரும்.

இந்த உலகமே ஒரு சுற்றுலா மையம்தேன். ஏதோ வந்தோமா நாலு இடம் சுத்தி பார்த்தோமானு இருக்கனும். ஆனால் நம்ம சனம் ஏதோ இங்கயே கல்ப்ப கோடி காலங்கள் வாழ்ந்துரப்போறதா நினைச்சு வெட்டி மடியறாய்ங்க.

என்னைக்கேட்டா வருசத்துல ஒரு ஒன்னரை மாசத்தை சுற்றுலா சீசனா அறிவிச்சு போக்குவரத்து, லாட்ஜு செலவுல எல்லாம் 30% வெட்டு விதிக்கனும்ங்கண்ணா..

(வீட்டை விட்டு நகராதவனுக்கு டபுள் டாக்ஸ் )

Thursday, December 22, 2011

அளவான சமையலறை அமைப்பது எப்படி?

வீடு - அளவான சமையலறை அமைப்பது எப்படி?


ஒரு மிடில் கிளாஸ் குடும்பத்தைச் சேர்ந்த இளம் பெண் திருமணமாகிக் கணவன் வீடு செல்கிறாள். அவள், அதிகம் செலவில்லாமல், ஆனால் தேவையான வசதிகளுடன் ஒரு அழகான - அதிகம் பெரியதில்லாத - அளவான சமையலறையை அமைப்பது எப்படி? 

பொதுவாக ஒரு சமையலறையை அமைக்கும்போது எப்படியெல்லாம் அமைக்க வேண்டும் என்று கல்லூரியில் "ஹோம் சயின்ஸ்' படிக்கும்போது சொல்லித் தருவார்கள். "எல்' வடிவம், "யு' வடிவம் இப்படி இரண்டில் ஒரு வடிவில்தான் சமையலறை அமைக்கப்படும். இது இரண்டுமில்லாமல் மூன்றாவதாக இணையான வடிவில் (parallel) அமைக்கப்படுவதும் உண்டு. இந்த "பேரலல்' வடிவில் இரண்டு மேடைகள் இருப்பதுபோல அமைக்கப்படும். சிலசமயம் ஒரே மேடை மட்டும் அமைக்கப்படும். இடம் சிறியது என்றால் அதில் "யு' அல்லது "எல்' வடிவில் அமைப்பதுதான் சிறந்தது. 

நாம் சமையலறையில் தொடர்ந்து சில மணி நேரங்களாவது இருந்து வேலை செய்ய வேண்டுமல்லவா? அதற்கேற்றபடி வீடு கட்டும்போதே திட்டமிட்டுத் தேவையான இடம் ஒதுக்கிச் சமையலறையைக் கட்ட வேண்டும். இல்லாவிட்டால் வசதிக்குறைவை நாம் அங்கிருக்கும் ஒவ்வொரு நிமிடமும் உணர முடியும். சமையலறை நல்ல காற்றோட்டமாக இருக்க வேண்டியது அவசியம். நம் ஆரோக்கியத்துக்கு வழிவகுப்பதோடு, நாம் நல்ல "மூடில்' இருந்து, சமையலும் நல்ல ருசியோடு அமைய முக்கியக் காரணமாகும் இந்தக் காற்றோட்டம். வீடு கட்டும்போது வாஸ்து பார்க்க வேண்டியது அவசியமான ஒன்று. எது எது எந்த இடத்தில் இருப்பது நலம் என்று பார்க்கும்போது, கிழக்குப் பக்கம் இருப்பது நல்லது. தெற்குப் பார்த்து இருந்தால் காற்றோட்டம் நன்கு இருக்கும். கிழக்குப் பார்த்து இருப்பது இலக்கணம்னு சொல்வாங்க - அதுதான் "அக்னி மூலை.' (கேஸ்) அடுப்பு வைக்க அதுதான் "ஐடியல்.' பொதுவாக இது எல்லாருமே பார்ப்பதுதான் என்றாலும் "ஃபிளாட்'களிலே இதையெல்லாம் பார்க்க முடியுமா என்பது கேள்விக்குறிதான். 

எது எப்படியானாலும் தனி வீடோ, ஃபிளாட்டோ, இல்லை பெரிய பங்களாவோ சமையலறை நல்ல வெளிச்சமும் காற்றோட்டமும் கொண்டதாக இருக்க வேண்டும். நாம் நம் நேரத்தில் ஓரளவு அதிகப்படியாகவே - காலை, மாலை இரண்டு வேளையும் - இருக்குமிடம் சமையலறைதானே! அதோடு சமைத்த பண்டங்கள், குறிப்பாகப் பல நாள்கள் (மாதங்கள்கூட) வைத்துக் கொள்ள வேண்டிய ஊறுகாய் போன்றவற்றுக்கு வெளிச்சம், காற்றோட்டம் இரண்டுமே மிகவும் அவசியம். இது நம்மில் பலருக்குத் தெரிந்த ஒன்றுதான். 

சமையலறைக்குள் நுழையும்போதே ஓரளவு நல்ல "மூடில்' இருக்கணும். கோபம், வருத்தம் போன்ற எதுவும் இருக்கக் கூடாது. இவற்றோட "ரிப்ளெக்ஷன்' நிச்சயமா சமையலிலே தெரியும். எத்தனைதான் சாமான்களைக் கொட்டிச் சமையல் செய்தாலும் நாம் எதிர்பார்க்கும் "பெர்ஃபெக்ஷன்' கிடைக்காது. ஆண்டவனுக்குப் படைப்பது, தெய்வ காரியங்கள், பூஜைகள் செய்யும்போது அமைதியாக, குளித்து, சுத்தமாகச் செய்ய வேண்டுமென்பது இதனால்தான். நல்ல மனதோடு "அப்ரோச்' செய்யணும். 

காற்றோட்டம், வெளிச்சம் இரண்டும் ரொம்பவும் அடிப்படையான தேவைன்னு சொன்னேன் இல்லையா? கூடுமானவரை அதிகபட்சம் எவ்வளவு ஜன்னல்கள் வைக்கமுடியுமோ அத்தனை வைக்கணும். ஜன்னல்கள் நடுவிலே கம்பிகளைக்கூட நன்றாகக் கவனித்துதான் "செலக்ட்' பண்ணிப் போடணும். "மெஷ்' (Mesh) போட்டதுபோல இருப்பது அவசியம். அடுத்தது சமையல் மேடை. இதைப் போடும்போதே எவ்வளவு உயரம் வேண்டுமென்பதைச் சரியாகத் தேர்வு செய்து அமைக்கணும். ஏறக்குறைய ஒரு சராசரியான உயரம் வைத்து மேடை கட்டுவது தவறு. சமையல் செய்யும் பெண்கள் சற்று குள்ளமாக இருந்து, மேடை அதிக உயரமாக இருந்துவிட்டால் அவர்களுக்கு ரொம்பவும் அசெüகர்யமாக இருக்கும் என்பதோடு, அதனாலேயே தேவையில்லாமல் ஒரு எரிச்சல் சமையலறையினுள் நுழையும்போதே வரத் தொடங்கிவிடும். அந்தக் குறிப்பிட்ட வீட்டின் இல்லத்தரசியின் உயரத்திற்கேற்ப (அவர்தானே சமைக்கப் போகிறார்!) மேடை அமைப்பது சமையலறை அமைக்கும்போது மனத்தில் கொள்ள வேண்டிய ஒன்று.
 
நன்றி .. அமானுஷ்யம் தளம்.  http://bit.ly/vhVFt4